Бұл туралы Қазақстан мұсылмандары діни басқармасының Ғұламалар кеңесі мәлімдеді, деп хабарлайды BAQ.KZ.
Татуировка – тері астына бояуыштарды ендіру жолымен салынатын адам денесіндегі сурет. Ғұламалар татуировканың харам екендігіне бірауыздан келіскен. Ол – үлкен күнә. Өйткені ол Алланың жаратылысын өзгерту, көзбояушылық, қанның араласуы себепті нәжіс бояумен бояу, денеге зиян беру болып саналады, - деп жазылған хабарламада.
Ғұламалар кеңесі денеге сурет салуға тыйым салынатынын, мүмкіндік болса оны кетіру керектігін алға тартты.
Денеге татуировка салу – харам, үлкен күнә. Тәубе етіп, мүмкіндік болса, оны кетіруі керек. Татуировканы кетіру денсаулыққа зиян болса, оны қалдырудың оқасы жоқ. Ол дәретке, намазға және имамдыққа кедергі болмайды, - деп жазды Ғұламалар кеңесі.
