Бүгіннен бастап ел астанасында 13-15 қыркүйек аралығында өтетін Әлемдік және дәстүрлі діндер көшбасшыларының VII съезіне қазақстандық БАҚ-тың қатысуы үшін аккредиттеу ашық, деп хабарлайды BAQ.KZ.
Президент Қасым-Жомарт Тоқаевтың қатысуымен ауқымды шара Нұр-Сұлтан қаласындағы Тәуелсіздік сарайында Қазақстан өтеді.
VII съездің негізгі тақырыбы: «Пандемиядан кейінгі кезеңде адамзат өркениетінің әлеуметтік-рухани дамуындағы әлемдік және дәстүрлі діндер көшбасшыларының рөлі».
VII съезге әлемнің 50 елінен 100-ден астам делегация қатысады деп күтілуде, оның ішінде ислам, христиан, буддизм, иудаизм, индуизм, даосизм, зороастризм, синтоизм секілді әлемдік және дәстүрлі діндердің рухани көсбасшылары, сондай-ақ саяси және қоғам қайраткерлері, халықаралық ұйымдардың, сарапшылар қауымдастығының өкілдері бар.
Алдағы діни форумның ерекшелігі Рим Папасы Францисктің, Аль-Азхардың жоғарғы имамы Шейх Ахмед ат-Тайебтің және басқа да түрлі конфессиялардың рухани жетекшілерінің сапары болмақ.
Қатысушылардың нақты құрамы мен іс-шараның бағдарламасы кейінірек хабарланады.
Сондай-ақ съезге дайындық туралы өзекті ақпаратты оның ресми сайтынан және әлеуметтік желілердегі ресми парақшаларынан ала аласыз.
