Стартап аллеясында 80 халықаралық инновациялық жоба ұсынылған, деп хабарлайды Алматыдағы BAQ.KZ тілшісі.
Digital Almaty 2025 форумының алаңында Dealroom.co негізін қалаушы әрі бас директоры Йорам Вийнгаарде стартаптар мен венчурлық инвестициялар жөнінде әңгімеледі.
Платформа инвестициялық перспективаларды бағалау, экожүйелерді талдау және олардың өсуін болжау үшін озық құралдарды ұсынады.
Dealroom.co – тек платформа емес, инвесторлар, стартаптар мен корпорациялардың қозғаушы күші. 2013 жылы Амстердамда негізі қаланғаннан бері компания инновациялар әлемінде дерек пен талдаудың беделді көзі ретінде танылды. Қазақстандық IT-экожүйенің Dealroom.co платформасына енуі халықаралық инвестициялар мен жаңа серіктестіктерге жол ашады. Қазақстанда жасалған технологияларға жаһан назарын аударады,- деді Dealroom.co негізін қалаушы әрі бас директоры Йорам Вийнгаарде.
Айта кетейік, Digital Almaty 2025 форумына қатысушылар 60 мың доллар жүлде қоры мен форум серіктестерінің гранттары үшін жарысып жатыр.
