Парламент Мәжілісінің депутаты Аманжол Әлтай Парламент палаталарының бірлескен отырысының кулуарында журналистерге берген сұқбатында алдағы жазғы демалысын Қазақстанның табиғаты көркем аймақтарында өткізуді жоспарлап отырғанын айтты, деп хабарлайды BAQ.KZ тілшісі.
Алтайдан Атырауға дейінгі ұланғайыр даламызда табиғаты тамаша жерлер көп. Алла қаласа, Төр Алтайға баруды, одан кейін Алакөлге саяхаттауды ойлап жүрмін. Сонымен қатар, Баянауыл мен Көкшетау секілді өңірлер де – демалуға өте қолайлы мекендер, – деді депутат.
Аманжол Әлтай Қазақстанда өзіміз көріп, тамашалайтын жерлер аз емес екенін атап өтті.
