Өзбекстанның Мемлекеттік қауіпсіздік қызметі Ташкентте ірі көлемде ұрлық фактісін анықтады, деп хабарлайды BAQ.KZ.
Арнайы операция барысында Ташкент облыстық денсаулық сақтау басқармасының қызметкері 40 мың доллар көлемінде аванс алып жатқанда ұсталды. Ақша алдын ала арнайы химиялық затпен өңделген.
Тергеу барысында күдікті 57,88 мың доллар үшін медициналық қоймада сақталған жабдықтарды үшінші тұлғаларға сатуға келіскені белгілі болды.
Қазіргі таңда Қылмыстық кодекстің 3-бөлімі “Иемдену немесе ысырап ету арқылы ұрлау”, 1-бөлімі “Қызмет бабын пайдалану арқылы жалғандық жасау” баптары бойынша іс қозғалған.
Күдікті кінәлі деп танылса, 10 жылға дейін бас бостандығынан айыру жазасы берілуі мүмкін. Тергеу жалғасуда.
