ДДСҰ: Денсаулық сақтау мекемелері шабуыл нысанына айналмауы тиіс

Нұр-Сұлтан, BAQ.KZ. ДДСҰ Украинаға салмағы 150 тонна медициналық құрал-жабдық жөнелтті, деп хабарлайды 24.kz.

Жүкті Львов қаласына жеткізу ісі жөнге келді. Алайда елдің өзге де аймақтарына көмек жіберу мүмкін емес. Мариуполь қаласына апаратын гуманитарлық дәліз әлі де қауіпті.

Қарулы қақтығыс басталғалы 64 медициналық ғимаратқа шабуыл жасалды. Денсаулық сақтау мекемелері мен көліктері шабуылдың нысанына айналмауы тиіс. Оларға оқ атуды дереу доғару керек, – деді ДДСҰ басшысы Тедрос Адханом Гебрейесус.