Жұмыс орнындағы дау-жанжал – кез-келген компанияда болуы мүмкін қалыпты құбылыстардың бірі, деп хабарлайды BAQ.KZ.
Оның себебі түрлі: жеке мүдделердің қайшылығынан бастап стратегиялық көзқарастардың әркелкілігіне дейін болуы мүмкін. Дау-жанжалдарды басқару бүгінде ұжымның тиімді жұмысы мен ондағы жайлы қарым-қатынасты қамтамасыз етуде басты элементтердің біріне айналып келеді.
ҚР ПІБ МО Медициналық технологиялар мен ақпараттық жүйелер орталығының (МТАЖО) сарапшысы дау-жанжалдарды қалай еңсеріп, жеңімпаз болып шығуға болатыны жайлы кеңестерімен бөлісті.
Белсенді тыңдаңыз
Белсенді тыңдау – дау-жанжалдарды тиімді басқарудың басты құралы. Harvard Business Review зерттеуіне сәйкес, менеджерлердің 69%-ы тыңдай білмеу жұмыс орнындағы дау-жанжалдардың негізгі себебі деп есептейді. Белсенді тыңдау деген әңгімелесушінің айтқан сөзін қалдырмай тыңдауды ғана емес, оның эмоциясы мен ниетін түсіну дегенді білдіреді. Сіз өзіңіздің мұқият тыңдап және түсініп отырғаныңызды көрсету үшін анықтап сұрау, нақтылау сынды техникаларды қолданыңыз.
«Мен»-хабарламаларды қолданыңыз
Зерттеулер «сен»-хабарламалар емес, «мен»-хабарламаларды қолдану дау барысында қайшылықты айтарлықтай бәсеңдете алатынын көрсетеді. Мысалы, «Менің жұмысыма кері байланыс болмаған кезде мен өзімді ешкім бағаламайтындай сезінемін» деген сөз «Сен ешқашан маған кері байланыс жасамайсың» дегеннен гөрі әлдеқайда тиімдірек. Висконсин университетінің зерттеуіне сәйкес, «мен»-хабарламаларды қолдану даудың ушығуын 35%-ға төмендетеді.
Ортақ мақсатты табыңыз
Ортақ мақсат дау-жанжалдарды шешудің қуатты құралы болуы мүмкін. Басқару академиясы жүргізген зерттеу ортақ мақсаты бар командалар дау-жанжалдарды 42%-ға жақсырақ еңсеретінін көрсетеді. Дауға қатысушылардың бәрін не байланыстыратынын анықтап, талқылауды осы мақсаттарға қол жеткізуге бұрыңыз. Бұл даудың фокусын жеке мүдделер қайшылығынан нәтижеге бірлесіп жетуге бұруға көмектеседі.
«Алты қалпақ» тәсілін қолданыңыз
Эдвард де Боно ұсынған «алты қалпақ» әдісі дау-жанжалды талдау мен шешуді тиімді құрал болып табылады. Бұл тәсіл мәселеге жан-жақты қарап, оны конструктивті түрде талқылауға мүмкіндік береді. Стэнфорд университетінің зерттеуінің мәліметтеріне сәйкес, бұл тәсілді қолдану талқылаулардың өнімділігін 28%-ға арттырады. Дауға қатысушыларды топтарға бөліңіз. Олардың әрқайсы жағдайды әртүрлі позиция: деректер, эмоция, теріс салдарлар, позитивті аспектілер, шығармашылық идеялар және процестерді басқару тұрғысынан қарастырады.
Медитацияны қолданыңыз
Медитация немесе бейтарап «ара ағайынды» тарту күрделі дау-жанжалдарды шешу кезінде аса тиімді болуы мүмкін. Америка медиаторлары қауымдастығының мәліметі бойынша, медитация арқылы өткен дау-жанжалдардың 85%-ы келісіммен аяқталады. «Ара ағайын» тараптарға өзара тиімді шешімдерді әзірлеп, сенімді қалпына келтіруге көмектеседі. Бұл ретте тәжірибелі және білікті медиаторды таңдау маңызды. Бұл процестің барынша өнімді болуына септеседі.
Дау-жанжалдарды басқару – кез-келген ұйымда дамытылуы тиіс маңызды дағды. Дұрыс стратегия мен тәсілдерді қолдану арқылы дау-жанжалдарды шешіп қана қоймай, одан пайда көріп, өзара қарым-қатынастарды жақсартып, дамытуға болады. МТАЖО сарапшылар медиация және дауларды басқару ісінде қолдауға және оқытуға дайын. Орталық бұл ретте даулы жағдайларды шешуді кәсіби және тиімді тәсілдермен қамтамасыз етеді.
