Астана, BAQ.KZ. Қазгидромет 25 қаңтар күні еліміздің кей жерлерінде тұман түсіп, көктайғақ болатынын ескертті.
Таңертең және күндіз Қостанай облысында және Қостанай қаласында бұрқасын соғып, көктайғақ болады. Оңтүстік-батыстан соғатын желдің күші 15-20 м/с-қа жетеді.
Ақтөбе облысының кей жерлерінде және Ақтөбе қаласында жаяу бұрқасын жүріп, тұман түседі. Күндіз көктайғақ болады. Желдің бағыты оңтүстік-шығыстан оңтүстік-батысқа ауысып, күші 15-20 м/с-қа жетеді.
Батыс Қазақстан облысының кей жерлерде және Орал қаласында бұрқасын соғып, тұман түсіп, көктайғақ болады. Оңтүстік-батыстан соғатын желдің күші 15-20 м/с дейін жетеді.
Дабылды ескертудің ықтималдылығы 90-95%.
