Digital Almaty 2025 халықаралық форумында CodiPlay экожүйесінің ерекшеліктері мен жетістіктері таныстырылды, деп хабарлайды Алматыдағы BAQ.KZ тілшісі.
Бізде балалар экожүйе арқылы ойын ойнап, бағдарламалау тілдерін, жасанды интеллектіні, big data негіздерін үйрене алады. Қазіргі таңда біз 13 елде 600-ден астам мектепте жұмыс істеп жатырмыз. Біздің экожүйені қосқан елдердің қатарында Оңтүстік Корея, Индонезия, Орталық Азия елдері, Өзбекстан, Әзербайжан, Ұлыбритания жәна Сауд Арабиясы мен Қатар бар. Біздің жобаның бағдарламасы БҰҰ-мен дайындалып, Digital Public ретінде мойындалды. "CodiPlay" Ұлыбританияда жыл инновациясы атанып, әлемдегі ең үлкен Эттек маркетплейсінде бірінші орын алды, - деді CodiPlay экожүйесінің жетекшісі Жанәділ Талдыбаев.
CodiPlay экожүйесі бүгінде шетелдік инвестиция тартуда да қарқынды жұмыс ісеп жатыр. Жанәділ Талдыбаевтың айтуынша, экожүйе тиімді және төмен бағада балаларды цифрлы дағдыға үйретеді.
Дәл қазір біздің экожүйемізде миллионнан астам балалар оқып жатыр. Яғни біз бағдарламамызды мектептерге береміз, мектептер мұғалімдер арқылы балаларын үйрете алады. Біз Сауд Арабиясы мен Қатар елдерінен 100 млн доллар инвестиция тарттық. Алдағы жоспарымыз келесі айдан бастап Африканың екі елі Зимбабве және Мозамбикке елдеріне экожүйемізді оқыту. Себебі біз тиімді және төмен бағада балаларды цифрлы дағдыға үйрете аламыз, - деді Жанәділ Талдыбаев.
Еске салсақ, халықаралық Digital Almaty 2025 форумынан не күтуге болатынын жазған болатынбыз. Жасанды интеллект және дамыту коммитеті төрағасының орынбасары Мирас Закиев 2029 жылы ЖИ бойынша білімі бар 1 млн азамат даярланатынын айтты.
