Чилидің орталығында құс тұмауы өршіп, 40 мың тауықтың көзі жойылды, деп хабарлайды BAQ.KZ.
Бұл вирус Ранкагуа қаласындағы ет өнімдерін дайындайтын компанияның фермасында тіркелген. Осыған байланысты елден тауық етін экспорттауға 28 күндік тыйым салынды. Жергілікті билік кеселдің адамнан адамға жұғуы тіркелмегенін айтады.
Індет 1 ауданда ғана тіркеліп отыр. Сондықтан елдегі бүкіл құс шаруашылығына қауіп төндіріп тұрған жоқ. Кеселдің таралуын болдырмас үшін тиісті шаралар қабылданып, жағдай мұқият бақыланып отыр, – дейді Чилидің мал шаруашылығын қорғау жөніндегі агенттігінің басшысы Карлос Орельяна.
