Ресейдің бастамасымен БҰҰ Қауіпсіздік кеңесі 22 наурызда Мәскеу түбіндегі Crocus City Hall ойын-сауық орталығында болған терактіге байланысты мәлімдеме жасады, деп хабарлайды BAQ.KZ.
Ресей Федерациясының БҰҰ жанындағы Тұрақты өкілінің бірінші орынбасары Дмитрий Полянский мәлімдеменің ағылшын тілінен ресми емес аудармасын жариялады.
Қауіпсіздік кеңесінің мүшелері 2024 жылғы 22 наурызда Ресей Федерациясы, Мәскеу облысы Красногорск қаласындағы концерт залында орын алған жантүршігерлік лаңкестік әрекетті қатаң айыптады, - делінген хабарламада.
БҰҰ Қауіпсіздік кеңесінің мүшелері қаза болғандардың туыстары мен Ресей халқына көңіл айтып, зардап шеккендердің тезірек сауығып кетуін тіледі. Олар терроризмнің барлық нысандары мен көріністерінде халықаралық бейбітшілік пен қауіпсіздікке төнетін ең ауыр қатерлердің бірі екенін атап өтті.
Қауіпсіздік Кеңесінің мүшелері қылмыстық лаңкестік әрекеттерке кінәлілерді, ұйымдастырушылар, демеушілерін жауапқа тарту қажеттігін атап өтті. Олар барлық мемлекеттерді резолюцияға сәйкес Ресей Федерациясының үкіметімен, сондай-ақ басқа да құзырлы органдармен осы мәселеде белсенді түрде ынтымақтасуға шақырды, - делінген құжатта.
