Украина президенті Владимир Зеленский БҰҰ-ны халықаралық әскери контингентке немесе қауіпсіздік кепілдіктеріне балама ретінде қарастырмайтынын мәлімдеді, деп хабарлайды BAQ.KZ.
Бұл туралы ол Чехия президенті Петр Павелмен бірге Киевте журналистермен кездесуі кезінде айтты.
БҰҰ-ға барынша құрметпен қарағанымызбен, ол бізді оккупациядан немесе Путиннің қайта басып кіру ниетінен қорғай алмайды. Біз БҰҰ-ны әскери контингентке немесе қауіпсіздік кепілдіктеріне балама ретінде қарастырмаймыз. Біз Біріккен Ұлттар Ұйымының өкілдерімен, Бас хатшысымен және басқа да құрылымдарымен ақылға қонымды, логикалық қарым-қатынас орнатуға дайынбыз, бірақ (…) БҰҰ қауіпсіздік кепілдіктерінің орнына жүре алмайды, — деді Владимир Зеленский.
Оның айтуынша, егер Владимир Путин соғыспен қайта оралса, БҰҰ-ның Украинаны қорғауға берілген ешқандай мандаты болмайды.
Контингенттің мұндай мандаты бола ма? Әзірге бұл сұраққа жауап жоқ. Бірақ айқын әскер, әуе қорғаныс жүйесі, әскери кемелер, ұшақтар, қуатты армия және Украинада орналасқан серіктестеріміздің нақты барлау қызметі бар кезде, мұндай инфрақұрылым Ресей үшін өте қауіпті болатыны сөзсіз, - деді Украина президенті.
Зеленский Украина болашақ әскери контингентке БҰҰ-ның көмегі туралы келіссөздер жүргізуге дайын екенін айтты.
Біз (БҰҰ-ның) «Ерікті елдер коалициясына» көмектесуін талқылауға дайынбыз, – деді Зеленский.
0
0
0
0
0
