Астанада балалар жұқпалы ауруханасында 380 бала ем қабылдауда, деп хабарлайды BAQ.KZ тілшісі.
Оның ішінде, қызылшадан - 56 бала, көкжөтелден – 4 бала, А вирусты гепатиті бойынша – 3 бала ем қабылдауда. Балалар арасында қызылшамен сырқаттанушылық төмендеуде, дейді Астана қаласы қоғамдық денсаулық сақтау басқармасы басшысының орынбасары Гүлназ Досмырзаева.
Қызылшамен де көкжөтелмен де сырқаттанудың негізгі себебі – вакцина қабалдамағандықтан. Ауруханаға түскен балалардың 90%-ы вакцина қабылдамағандар, - деді ол.
Аталмыш ауруларға медициналық көмек көрсету үшін таңғы сағат 8:00-ден кешкі 20:00-ге дейін демалыссыз сүзгі кабинеттері жұмыс жасайтынын атап өтті. Сондықтан ата-аналар тек стационардың қабылдауына ғана емес, тіркелген жер бойынша емханаға да жүгіне алады.
