Бүгін футболдан Премьер-лига командалары арасындағы ел біріншілігінің 4-туры басталады, деп хабарлайды BAQ.KZ ҚазАқпаратқа сілтеме жасап.
Аталған тур 1 және 2 сәуір күндері өтеді. Бүгін, 1 сәуірде 3 ойын болса, 2 сәуірге қалған 4 кездесу белгіленген.
Бүгін, сағат 14:00-де «Каспий» (Ақтау) мен «Қайсар» (Қызылорда) төртінші турдың шымылдығын түреді.
Одан кейін 16:00-де «Шахтер» (Қарағанды) мен «Қайрат» (Алматы), 18:00-де «Ақсу» (Павлодар облысы) мен «Мақтарал» (Түркістан облысы) кездеседі.
Ал 2 сәуір күні, сағат 15:00-де «Жетісу» (Талдықорған) мен «Тобыл» (Қостанай), 17.00-де «Ақтөбе» мен «Қызылжар» (Петропавл), «Атырау» мен «Оқжетпес» (Көкшетау) жасыл алаңға шығады.
Аталған турды сағат 19:00-де «Астана» мен «Ордабасы» (Шымкент) командалары түйіндейді.
