Бүгін, 20 тамызда Қазақстанның бірнеше өңірінде ауа сапасы төмендеуі мүмкін, деп хабарлайды BAQ.KZ.
"Қазгидромет" мәліметінше, қолайсыз метеорологиялық жағдайлар Жезқазған, Қарағанды, Балқаш, Өскемен, Алматы және түнде Астанада тіркеледі.
Қолайсыз метеожағдайлар – зиянды заттардың ауада жиналуына ықпал ететін қысқа мерзімді құбылыстар (әлсіз жел, тұман, инверсия және т.б.). Мұндай кезде атмосфералық ауаның сапасы нашарлап, халықтың денсаулығына әсер ету қаупі бар.
