Нұр-Сұлтан, BAQ.KZ. «Қазгидромет» РМК 7 қыркүйекте Қазақстан қалаларындағы ауа сапасы туралы болжамын жариялады.
Ақпаратқа сәйкес, дүйсенбі күні Ақтөбе қаласында ауа сапасы нашарлайтыны күтіледі. Сондай-ақ, түнде Нұр-Сұлтан мен Қарағанды қалаларында да метеожағдай нашарлайды. Қалған қалаларда ауа сапасы норма шегінде болады.
Қолайсыз метеорологиялық жағдайлар – атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
