Бүгін 24 желтоқсан қазақ халқының ұлы батыры, жазушы әрі ұстаз Бауыржан Момышұлының туған күні, деп хабарлайды BAQ.KZ.
Бауыржан Момышұлы (24 желтоқсан 1910 ж. – 10 маусым 1982 ж.) – Кеңес одағының батыры, жазушы, Екінші дүниежүзілік соғыстың даңқты жауынгері, әскери қолбасшы, стратег және тактик.
Батыр атамыздың өмірі мен ерлігі біздің ұлттық мақтанышымыз. Соғыс кезінде көрсеткен ерлігі, әскери шеберлігі халықтың мәңгі есінде.
"Ұшқан ұя", "Мәскеу үшін шайқас", "Қанмен жазылған кітап" секілді туындылары бүгінгі ұрпаққа адамгершілік пен патриотизмді, батырлықты үйрететін құнды мұра екені сөзсіз.
Батырдың есімі мәңгілікке біздің жүрегімізде сақталады, ал оның бізге қалдырған рухани бай мұрасы елдің дамуына әрқашан қызмет ете бермек.
