Болжам: Қазақстан биыл 16 млн тонна астық жинайды

Бұл туралы ОКҚ алаңында Ауыл шаруашылығы министрі Айдарбек Сапаров айтты, деп хабарлайды BAQ.KZ тілшісі.

Бүгінгі күні әкімдіктер берген мәлімет бойынша, 16 млн тонна астық жиналады деп болжам жасап отырмыз. Мүмкіндік жақсы болса, бұдан да көбірек болар. Бұл 16 млн тонна - ең кемі, - деді министр.

Сапаровтың айтуынша, бүгінгі күні 6 млн астық алынды.

Оның 1 млн-ы элеваторға кірген. Сапасы лабораторияда тексерілді. 80%-ы 3-санат. Қалғандары әлі шаруашылықта. Олардың да сапасы тексеріледі. Жалпы бидай жеткілікті болады, - деп сөзін толықтырды ол.