Нұр-Сұлтан, BAQ.KZ. Қарағанды облысының әкімі Жеңіс Қасымбек бокстан Қазақстан әйелдер құрамасын құттықтады. Бұл туралы әкім әлеуметтік желідегі парақшасында жазды.
Қазақстан спортының тарихында алғаш рет бокстан Қазақстан Республикасының әйелдер құрамасы Азия чемпионатында сегіз алтын, бір күміс, бір қола жүлдені жеңіп алды. Барлық 10 салмақ дәрежесіндегі спортшы қыздарымыз Отанымызға жеңіспен оралады. Олардың арасында жерлесіміз Милана Сафронова да бар. Милананы және бүкіл әйелдер құрамасын еліміздің абыройын асқақтатқан осынау үлкен жетістікпен шын жүректен құттықтаймын. Біз чемпиондарымызды мақтан тұтамыз! – деп жазды Жеңіс Қасымбек.
