СҚО-да тұрғындарды тұрғын үймен қамту жұмысы қалай жүргізіліп жатыр? Бұл туралы өңір басшысы Айдарбек Сапаров ОКҚ-да өткен брифингте айтып берді, деп хабарлайды BAQ.KZ тілшісі.
36 көпқабатты тұрғын үй салынып жатыр. Оның 16-сы коммерциялық. Биыл 300 мың шаршы метр тұрғын үй беріледі, - деді Сапаров брифингте.
Айтуынша, жыл соңына дейін 3 мыңнан астам отбасы пәтер кілтін алады.
Оның ішінде халықтың әлеуметтік осал топтарына арналған 702 пәтер бар. Оның 140-ы жетім балалар, - деп мәлімет берді өңір басшысы елордада өткен баспасөз жиынында.
