Астана қаласы Білім басқармасының басшысы Қасымхан Сенғазыев биыл бас қалада қанша мектеп салынатынын айтты, деп хабарлайды BAQ.KZ тілшісі.
Астана қаласында 2023 жылы 11 мектеп іске қосылып, жаңа мектептер қаладағы үш мектептің үш ауысымдық мәселесін шешті. Олар қаладағы №53, №59 және №85 мектептер. Оқу жылының аяғына дейін тағы да төрт мектепті іске қосу жоспарланып отыр, - деп айтты басқарма басшысы.
Оның айтуынша, 2024 жылы 25 мектеп, оның 7-еуі мемлекеттік мектеп, 15-і жайлы мектеп және 3 жекеменшік мектеп ашылады.
2028 жылдың аяғына дейін барлығы 200 мыңға жуық орынға арналған 80 мектепті салу жоспарда бар. Бұл мектептердің құрылысы қаламыздағы үш ауысымды және шамадан тыс оқитын мектептердің мәселесін толықтай шешіп, 2035 жылға дейінгі бас жоспарда көрсетілген жоспарлар бойынша мектептерге тапшылық мәселесін толықтай шешеді, - деп атап өтті Сенғазыев.
