Нұр-Сұлтан, BAQ.KZ. Бұл туралы ҚР Экология, геология және табиғи ресурстар министрлігінің баспасөз қызметі хабарлады.
Стихиялық қоқыс туралы хабарлардың көпшілігі Алматы (104), Шығыс Қазақстан (82) және Қарағанды облыстарынан (76), сондай-ақ Алматы қаласынан (78) келіп түсті. Ақмола (63), Қостанай (57) мен Ақтөбе облысы (57) азаматтардан түскен өтініштер саны бойынша көшбасшылар қатарына кірді.
706 шағымның 530-ы стихиялық үйінділерге, 176-ы толып кеткен контейнерлерге қатысты. Бір апта ішінде әкімдікпен бірге полигондардың жартысынан көбі немесе 419 үйінді жойылды. Бұл бағыттағы жұмыс жалғасуда. Жалпы Экология министрлігі тұрғындар тарапынан шағымдар артқанын байқауда. Бұл азаматтық позицияның өскенін білдіреді. Оның үстіне, жедел желі жұмысының тиімділігі кейінгі екі аптада айқын байқалады, - делінген ақпаратта.Шағым түскеннен кейін ақпарат дереу жергілікті экология департаменттеріне, ҚР ІІМ қызметі мен әкімдіктерге жіберіледі. Мамандар жедел тексеру орнына барып, шара қолданады, кінәлілер жазаланып, соның ішінде айыппұл өндіріліп алынады.
![КОК.jpeg КОК.jpeg](/userfiles/upload/medialibrary/eed/eed2806154fdf685ee0922a62d91679b.jpeg)
Еске салсақ, Экология министрлігінің жедел желі нөмірі: +7 (775) 952-49-00. Ватсаптағы осы нөмір арқылы кез-келген қазақстандық өз қаласындағы немесе ауылындағы стихиялық коқыс туралы ақпаратты, оны растайтын фотосурет пен бейнетүсірілімді жібере алады.
Экология министрлігі елдегі барлық халыққа бұл мәселеге бей-жай қарамауын өтінеді. Стихиялық үйінділерге куә бола қалса, жедел желіге дереу хабарлауын, заңбұзушыларға сол жерде ескерту жасап, полиция шақыру керектігін еске салады.
![КОК1.jpeg КОК1.jpeg](/userfiles/upload/medialibrary/297/2978df1bc1dc1c9850dc335ff40a4660.jpeg)
Осы бағыттағы жұмыс тек бірлесіп атқарған уақытта ғана ретке келеді, деп атап өтеді ҚР ЭГТРМ баспасөз қызметі.