Нұр-Сұлтан, BAQ.KZ. Өткен аптада 8 бала суға батып көз жұмды. Төтенше жағдай министрлігінің мәліметінше, 5-11 шілде аралығында елімізде 47 адам суға кетіп, қайтыс болған.
Оның ішінде 8 бала суға батып мерт болған.
Суға бату дерегі Алматы қаласы (8), Шығыс Қазақстан (8), Ақмола (5) және Солтүстік Қазақстан облыстарында (5) жиі тіркелді. Ал балалардың суға бату жағдайы Нұр-Сұлтанда (1) және Алматы (3), Түркістан (2), Ақмола (1), Солтүстік Қазақстан облыстарында (1) болды, - деп жазылған министрлік таратқан хабарламада.
