Билл Гейтс алғашқы медициналық-санитарлық көмек пен тұрақты денсаулықты сақтауға баса назар аудара отырып, Африканың дамуына шамамен 200 миллиард доллар инвестициялайды, деп хабарлайды BAQ.KZ.
Microsoft негізін қалаушы және әлемдегі ең бай адамдардың бірі Билл Гейтс өзінің бүкіл дерлік байлығын, яғни 200 миллиард долларды Африка елдерін қолдауға бағыттамақ. Бұл туралы Гейтс қорының 2 маусымда жарияланған баспасөз хабарламасында айтылған.
Жақында мен алдағы 20 жылда өз байлығымды беруге уәде бердім. Бұл ақшаның көп бөлігі Африкадағы мәселелерді шешуге жұмсалады, – деп жазылған қордың баспасөз қызметі мәлімдемесінде.
Атап айтқанда, Гейтс алғашқы медициналық көмекке басымдық беруге шақырды. Гейтс бұл инвестициялар денсаулық пен өмір сапасына көп әсер ететініне сенімді. Ол алғашқы медициналық-санитарлық көмек жүйесінің дамуы континенттің болашағын өзгерте алады деп есептейді.
Қордың Африкада ұзақ жұмыс істеу тарихы бар, ауруларды бақылауды, вакцинация бағдарламаларын және ауыл шаруашылығын дамытуды қаржыландырады. Жаңа инвестиция континенттегі жеке филантропиядағы ең үлкен инвестиция болуға уәде береді.
