19 жастағы қазақстандық шахматшы Бибісара Асаубаева әлемдік рейтингте үздік бестікке енді, деп хабарлайды BAQ.KZ.
Мұндай жаңалықты шахматшы Instagram парақшасында жариялады.
Соңғы турнирлерді есептей келе, мен әлемдегі ең үздік блиц-шахматшылар арасында үздік бестікке ендім, - деп жазды Асаубаева.
Рейтинг ФИДЕ сайтында да жарияланған.
Бибісара блиц бойынша екі дүркін әлем чемпионы. Жақында Нью-Делиде өткен Гран-приде Асаубаева үздік үштікке кірді. Ал Қазақстан мен Әлем құрамаларының матчтық қарсыластығында төрт дүркін әлем чемпионы және әйелдер арасындағы ФИДЕ рейтингінің көшбасшысы қытайлық Хоу Ифанды сенсациялық түрде жеңді.
