Нұр-Сұлтан, BAQ.KZ. Бұл боксшының жетінші мәрте жеңісі, деп хабарлайды «Хабар 24».
Қазақстандық боксшы Бек Нұрмағанбет (6-0, 4 КО) кәсіпқой бокстағы жетінші жекпе-жегінде де жеңіске жетті.
АҚШ-тың Миннеаполис қаласындағы бокс кешінде ол американдық Хайнелл Уилермен қолғап түйістірді. Алты раундқа жоспарланған жекпе-жек екінші раундта аяқталды. Бек қарсыласын нокаутпен сұлатып түсірді. Осылайша Бек Нұрмағанбет кәсіпқой бокстағы жетінші рет жеңіске жетті.
Жартылай орта салмақта IBO нұсқасы бойынша әлем чемпионы Данияр Елеусінов (11-0, 6 КО) Миннеаполисте өткен бокс кешінде жеңіске жеткен боксшыларды құттықтады.
Аталған бокс кешінде Әбілхан Аманқұл (1-0, 1 КО), Абылайхан Жүсіпов (2-0, 1 КО), Евгений Павлов (7-0, 5 КО) және Бек Нұрмағанбет (7-0, 5 КО) ) АҚШ-тағы дебюттік жекпе-жектерін өткізіп, нокаутпен жеңіске жеткен еді.
