Бас прокурордың бірінші орынбасары Тимур Тәшімбаев Челахтан жауап алынатынын айтты, деп жазады BAQ.KZ тілшісі.
Арыз Бас прокуратураға түсті. Іске он жыл болғандықтан, қосымша зерттейміз. Қажет болса, одан жауап алынады, – деді Бас прокурордың бірінші орынбасары Тимур Тәшімбаев.
Бұған дейін Владислав Челах Президент Қасым-Жомарт Тоқаевқа ісі бойынша тергеуді қайта бастауды сұраған.
Еске сала кетейік, Арқанкерген шекара бекетінде 15 адамды өлтірді деген айыппен 2012 жылы өмір бойына сотталған Владислав Челах Қазақстан президенті Қасым-Жомарт Тоқаевқа хат жазғанын осыған дейін хабарлағанбыз.
Бас прокуратура Челахтың Тоқаевқа жазған хатына қатысты пікір білдірді.
