Қазақстандық «Барыс» командасы бүгін өз алаңында Құрлықтық хоккей лигасындағы кезекті ойынын Ресейдің «Спартак» (Мәскеу) командасына қарсы өткізеді. Кездесу елорда уақытымен сағат 17:00-дe басталады.
Екі команда бұған дейін 30 мәрте кездескен. Оның 18-і елордалық клубтың басымдығымен аяқталса, қалған ойындарда ресейлік команда жеңіске жеткен.
Турнир кестесінде «Барыс» 60 ойыннан кейін 46 ұпаймен 22-орында тұр. Ал «Спартак» 61 ойыннан кейін 80 ұпаймен 7-орында келеді.
Айта кетейік, астаналық клуб соңғы 10 ойынның тоғызында қарсыластарына есе жіберді.
Бұл кездесуден кейін қазақстандық ұжым екі ойынын 13 және 14 ақпанда Ресейде «Адмирал» (Владивосток) командасына қарсы өткізеді.
Еске салсақ, бұдан бұрын елордалық клуб қатарынан тоғызыншы мәрте жеңілді.
