Балқашта "Таза Қазақстан – Экологиялық мәдениет" көшпелі жазғы кітапханасы ашылды, деп хабарлайды BAQ.KZ Қарағанды облысының әкімдігіне сілтеме жасап.
Мұнда табиғат туралы кітаптарды оқи аласыздар, викториналарға қатыса аласыздар, тіпті өсімдікті өзіңіз егуіңізге болады.
Ішінде кітаптары бар кең киіз үй қаланың халық көп жиналатын жері – "Жастар" алаңында орнатылды.
Жақын жерде қоқысты сұрыптауға арналған арнайы жәшіктер бар.
Жылжымалы кітапхананың басты міндеті – мәдениетті, экологиялықой-өрісті, экологиялық сауаттылықты тәрбиелеу. Адамдар келіп, туған өлкенің табиғаты туралы кітаптар, газеттер, журналдар оқи алады. Викториналар, конкурстар өткізіледі, көгалдандыру бұрышы бар. Ең белсенді тұрғындарға сыйлықтар беріледі. Қазірдің өзінде оң әсер бар деп айта аламын. Мен күн сайын кітапханаға барамын, айналада қоқыс азая түсті. Урналар толып кетпейді, тұрғындар жиналған қоқыс сұрыпталуы үшін біздің жәшіктерді толтыруға тырысады, – деді жобаны ұйымдастырушы Балқаш әкімінің орынбасары Саягүл Жақсылықова.
Кітапханаға тек демалушылар ғана келмейді. Жиі келетін қонақтар – жақын маңдағы мектеп жанындағы лагерьлердің балалары.
Көшпелі кітапхана оқырмандарды 1 қыркүйекке дейін қуантады.
Жұмыс уақыты: сейсенбіден сенбіге дейін 09:00-ден 11:00-ге дейін және 16:00-ден 20:00-ге дейін, демалыс күндері: жексенбі, дүйсенбі.
