Нұр-Сұлтан, BAQ.KZ. Қатыгез бала күтушісі пәтердегі жасырын камераға түсіп қалған. Видеоны Facebook әлеуметтік желісінде құқық қорғаушылар таратқан.
Видеодан жылап жатқан баланы тыныштандыру үшін әйел баланы басы мен арқасынан ұрып жатқанын байқауға болады.
Көршілер баланың ата-анасы үйде болмаған кезде ол көп жылайды деп шағымдана бастаған. Осыдан кейін баланың әкесі үйге лезде жасырын камера орнатып, не болып жатқанын көру үшін онлайн трансляция қосып қойған. Бірінші күннің өзінде, анасы жұмысқа кеткеннен кейін 5 минут өткен соң, әйел баланы ұра бастаған. Бізге сәбидің соққылардан алған жарақаттары бар бейне де көрсетілді. Ата-аналар бала күтушісі жауапкершіліктен кетіп, басқа біреуге жұмысқа орналасып алады деп қорқады, - деп жазады белсенділер.Құқық қорғаушылардың айтуынша, жақында әкімшілік сотта отырыс өтіп, онда іс Әкімшілік құқық бұзушылық туралы кодекстің "Отбасы-тұрмыстық қатынастар аясындағы құқыққа қарсы әрекеттер" деп аталатын 73-бап бойынша қаралды. Алайда сот істі тергеуге қайта қайтарған.
Белгілі болғандай, балақайды ауруханаға апарған кезде оның денесі көгергені және соққылардан басының ісіп кеткені байқалған.
