Қытайдың Ханчжоу қаласындағы жазғы Азия ойындарында отандасымыз алтынға таласуға мүмкіндік алды, деп хабарлайды BAQ.KZ.
Туризм және спорт министрлігі баспасөз қызметінің хабарлауынша, каратэден 84 келі салмақта әлем чемпионатының қола жүлдегері, 2 дүркін Азия чемпионы Данияр Юлдашев 3 қарсыласын жеңіп, алтынға таласуға мүмкіндік алды.
Жарыс жолында жерлесіміз Тиирапат Канабкаевты 6:2, Чун Вей Вуды (Тайпей) 7:4, Мохаммад Алжафариді 4:0 есебімен ұтты.
Енді финалда Малайзия спортшысы Бин Аб Маликпен кездеседі.
