Азия чемпионаты: Қазақстан қоржынына тағы үш медаль түсті

Астанада өтіп жатқан жеңіл атлетикадан Азия чемпионатында әйелдер арасында биіктікке секіруден жарыс аяқталды, деп хабарлайды BAQ.KZ Prosports.kz-ке сілтеме жасап. 

Бұл жарыс бойынша тұғырдың барлығын Қазақстан өкілдері иеленді.

Мұндай жағдай құрлықтық дода тарихында алғаш рет тіркелді.

Биіктікке секіруде медальдардың барлық үш жиынтығын жеңіп алған қазақстандық қыздар: «Алтынды» Надежда Дубовицкая (көрсеткіші - 1.89), «күмісті» Кристина Овчинникова (1.89), «қоланы» Елизавета Матвеева (1.84 сантиметр) иеленді.

Әзірге Қазақстан құрамасының қоржынында 3 алтын, 3 күміс және 2 қола жүлде бар.