Нұр-Сұлтан, BAQ.KZ. Қазақстан Республикасының Президенті Қасым-Жомарт Тоқаев дәріханалардағы аса қажетті дәрі-дәрмектердің негізсіз қымбаттауына байланысты пікір білдірді.
Азаматтарымыздың дәріханалардағы аса қажетті дәрі-дәрмектердің негізсіз қымбаттауына байланысты шағымдары орынды. Пандемия кезінде бұған жол беруге болмайды. Үкімет пен құқық қорғау органдарына бұл мәселені реттеу тапсырылды. Кінәлілер жауапқа тартылады, - деп жазды Мемлекет басшысы өзінің твиттердегі парақшасында.
