Азамат Дәулетбеков екі дүркін Азия чемпионы атанды

Қазақстандық еркін күрес балуаны Азамат Дәулетбеков Азия чемпионатында алтын медаль еншіледі, деп хабарлайды BAQ.KZ.

86 келіге дейінгі салмақтағы финалда қазақстандық балуан ирандық спортшы, Азияның үш дүркін чемпионы (2015, 2017 және 2019), сондай-ақ күрес түрлерінен 2019 жылғы әлем чемпионатының күміс жүлдегері Алиреза Каримиді жеңді.

Азамат Дәулетбеков қарсыласынан 4:1 есебімен басым түсті.