«Жаңарған Қазақстан» арнайы репортажының кезекті саны ауыл әкімдерін сайлау тақырыбына арналды, деп хабарлайды BAQ.KZ.
Осыдан екі жыл бұрын елімізде тұңғыш рет аудандық маңызы бар қалалардың, ауылдардың, кенттер мен ауылдық округ әкімдерін сайлау өткен болатын. Биыл шілде-тамыз айларында еліміз бойынша жүздеген елді мекенде әкім сайлау науқаны өтті.
Мұндай сайлаудың маңызы, ерекшелігі жайлы, сонымен бірге әділ әрі ашық сайлауға жүрегі елім деп соғатын азаматтарды қалай тартуға болатынын сарапшылар талқыға салды. Жалпы ауыл әкімдерін сайлау қалай өтеді? Кім ауыл әкімі бола алады? Осы және өзге де сұрақтардың жауабын іздеп көрелік.
