Қазақстанның бірінші ракеткасы Елена Рыбакина Australian Open турнирінің ширек финалына шыға алмады, деп хабарлайды BAQ.KZ тілшісі.
Рыбакина америкалық теннисші Мэдисон Кизбен (№14) 1/8 финалда 3:6, 6:1, 3:6 есебімен жеңілді.
Матч 1 сағат 50 минутқа созылды. Екі теннисші де төрт-төрттен эйс және алты-алтыдан дабл-фол жасады. Бұл екеуінің арасындағы бесінші кездесу болатын. Оның үшеуінде Киз жеңсе, екеуін Рыбакина жеңген еді.
Осылайша, Қазақстан теннисшілері түгел Australian Open турнирін аяқтады. Ерлер арасында Александр Бублик пен Александр Шевченко жарысты бірінші айналымнан аяқтаса, Юлия Путинцева үшінші айналымнан ары аса алмады.
