Астана, BAQ.KZ. Бүгін еліміздің басым аумағында оңтүстіктен шығатын циклон әсерінен ауа райы құбылмалы болады. Кей жерде қатты жауын-шашын болуы мүмкін.
Жамбыл облысының кей жерінде тұман, көктайғақ, жел 15-20 м/с, екпіні 23-28 м/с күшеюі сақталады.
Шығыс Қазақстан облысының кей жерінде жел 15-20 м/с, екпіні 23-28 м/с бұрқасынмен күшейеді.
Алматы облысының кей жерде тұман, көктайғақ болуы мүмкін, түнде жел 18-23 м/с, Алакөл ауданында 20-25 м/с, екпіні 30 м/с күшейеді.
Түркістан облысының кей жерінде тұман, көктайғақ болады, жел 15-20 м/с, түнде екпіні 25 м/с күшейеді.
Ақмола, Қостанай, Қарағанды облыстарының кей жерінде жел 15-20 м/с күшейеді, бұрқасын болады.
Павлодар облысының кей жерінде күндіз жаяу бұрқасын, жел 15-20 м/с болуы мүмкін.
Солтүстік Қазақстан облысының кей жерінде тұман, түнде жел 15-20 м/с күшейеді.
Қызылорда, Маңғыстау, Батыс Қазақстан облыстарының кей жерінде тұман түседі, Қызылорда облысының кей жерінде көктайғақ болады.
