Ауа райына байланысты бірқатар жол учаскесі жабылды

Республикалық автожолдар желісінде 300-ден астам арнайы техника мен 500 жолшы маман қысқы күтіп-ұстау жұмыстарын атқарып жатыр, деп хабарлайды BAQ.KZ.

 Жамбыл, Қарағанды және Түркістан өңірлерінде боран мен көрінудің шектелуіне байланысты республикалық автожолдардың бірқатар учаскесінде жол қозғалысына шектеу енгізілді. 

Автокөліктің барлық түрі үшін "Алматы-Ташкент-Термез" тасжолының екі учаскесінде (Айша бибі ауылынан Түркістан облысының шекарасына дейін және Жамбыл облысының шекарасынан Машат ауылына дейін) қозғалыс шектелді. 

Жүк және қоғамдық көлік түрлері үшін "Екатеринбург-Алматы" тасжолының Ақсу Аюлы ауылынан Балқаш қаласына дейінгі аралығы жабық.