Атырауда жүк вагондары рельстен шығып кетті

Оқиға 4 қазан күні сағат 17:20 шамасында Мақат ауданындағы Мақат теміржол станциясында болған, деп хабарлайды BAQ.KZ өңірлік коммуникациялар қызметіне сілтеме жасап.

Барлығы төрт жүк вагоны рельстан шығып кеткен. Зардап шеккендер жоқ.

Оқиға тармақталған (бөлек) желіде болды және басқа теміржол вагондарының қозғалысына әсер етпеді. Аталған жағдай туралы мемлекеттік органдарға хабардар етілді. Қазір оқиғаның себептері анықталуда, қалпына келтіру жұмыстары да жүргізіліп жатыр, – делінген хабарламада.