Атырауда сауатты пациенттер саны көбейеді

Атырау облысында сауатты пациент мектебі ашылды, деп хабарлайды BAQ.KZ ДСМ баспасөз қызметіне сілтеме жасап.

Бұл жобаның мақсаты - пациент пен дәрігер арасында медиациялық көпір салу. Жобаның міндеті - пациенттер мен дәрігерлердің олардың құқықтары мен міндеттері туралы білімдерін арттыру, сондай-ақ жанжалды және дағдарыстық жағдайлардан қалай дұрыс шығу керектігі туралы коммуникация дағдыларын игеру.

Оқыту бағдарламасының шеңберінде мектепте дәрігердің пациенттермен өзара іс-қимылы, пациенттермен және дәрігерлермен жұмыс істеу психологиясы, пациенттердің шағымдарын талдау, аурулардың профилактикасы бағдарламасын әзірлеу, индикаторларды орындау бойынша аналитиканы қалай құру сияқты курстар оқытылады.

Қазір бұл жоба пилоттық режимде №4 Атырау қалалық емханасында және облыстық балалар ауруханасында өз жұмысын бастады. Алдағы уақытта өңірдің барлық медициналық ұйымдарында ауқымды болады.