Нұр-Сұлтан, BAQ.KZ. Деструктивті діни ағым өкілінен тапанша мен ел аумағында тыйым салынған кітаптар тәркіленді.
Бұл туралы Атырау облысы полиция департаментінің баспасөз қызметі хабарлады.
Атырау облысы полиция департаментінің Экстремизмге қарсы іс-қимыл басқармасының қызметкерлері жедел-іздестіру іс-шарасын өткізу барысында 1993 ж.т. деструктивті діни ағым өкілін анықтап, тұрғылықты мекенжайында тінту жүргізу кезінде 9 мм «МР-79» калибрлі травматикалық тапаншасы, 14 дана патрондары, Қазақстан аумағында таратуға тиым салынған мағлұматтар бар 5 дана флеш карта мен 17 дана діни кітаптар тәркіленді, - делінген хабарламада.
Күдікті ҚПК-тің 128-бабының негізінде уақытша ұстау изоляторына қамалды.
Аталған дерек бойынша Атырау қаласының №2 Полиция бөлімімен ҚК-тің 287-бабының 2-бөлігімен сотқа дейінгі тергеп-тексеру басталды.
Өзге ақпарат ҚПК-нің 201-бабына сәйкес жариялануға жатпайды.
