Нұр-Сұлтан, BAQ.KZ. Атырау қаласындағы "Сарайшық" коммуналдық базарында өрт шықты, деп хабарлайды Polisia.kz.
16 шілде күні сағат 14:52-де Аырау қаласындағы Нұрсая мөлтек ауданы К. Маденова көшесі 1 “А” мекенжайындағы "Сарайшық" коммуналдық базарының ішінде 50 шаршы метр аумақта үш азық-түлік дүңгіршегінен өрт шықты. Оқиға орнына өрт сөндірушілер жедел түрде 6 минут ішінде жетті. Атырау облысы ТЖД "ӨС және АҚЖҚ" ММ өрт сөндірушілерінің дер кезіндегі жедел іс-әрекеттерінің арқасында өрт ауыздықталып, өрттің одан әрі таралуына жол берілмеді. Өрт сағат 15:15-те оқшауланып, 15:51-де толығымен жойылды, – делінген хабарламада.Қаза болғандар мен зардап шеккендер жоқ.
Өрттің алдын ала себебі анықталып жатыр.
