Нұр-Сұлтан, BAQ.KZ. Атырау облысында карантин мерзімін ұзарту туралы шешім қабылданды.
Бұл туралы Атырау облысының бас санитарлық дәрігерінің тиісті қаулысы Тауарлар мен қызметтердің сапасын және қауіпсіздігін бақылау бөлімінің ресми сайтында хабарланды.
Қаулыда шектеудің Атырау облысында COVID-19 таралуын болдырмау мақсатында жасалып жатқандығы жазылған. Аймақта шектеу шаралары 28 қыркүйектен 2020 жылғы 12 қазанға ұзартылды.
Осы уақыт ішінде:
- ойын-сауық мекемелерінің (караоке, бильярд, компьютерлік және түнгі клубтар, боулинг орталықтары, жабық бөлмелердегі балалар ойын алаңдары және т.б.),
- кинотеатрлардың (ашық аспан астында жұмыс жасайтындарды қоспағанда) қызметіне тыйым салынды.
Ұйым кеңселерінде қызметкерлер 50%-дан аспауы керек. Алайда, қоғамдық тамақтану объектілеріне сағат 08:00-ден 00:00-ге дейін жұмыс істеуге, оның ішінде сауда үйіндегі бөлек үй-жайларда орналасқан мекемелерге рұқсат етілді.
Сонымен қатар, ашық жерлерде 50-ден көп қонақ болмауы керек, бір отбасы мүшелерінен өзгелері кем дегенде 2 метр арақашықтықты сақтау керек. Бір орынға 4 адамнан көп отыра алмайды.
Бұған дейін Атырау облысында карантиндік шаралар 13-нен 28 қыркүйекке дейін созылған болатын.
