Астанада екі автокөлік қатысқан жол-көлік оқиғасы тіркелді. Жол апатының себебін анықтау жұмыстары жүргізіліп жатыр, деп хабарлайды BAQ.KZ Astana_sergek-ке сілтеме жасап.
Lexus маркалы көліктің белгісіз жүргізушісі жолда қатарға ауысу кезінде Hyundai көлігімен соқтығысқан. Соның салдарынан Hyundai жол жарықтандыру бағанына соғылып, қарсы жолаққа шығып кеткен. Қарсы бағытта ол Renault және Shacman көліктерімен соқтығысқан, — деп жазылған ПД хабарламасында.
Жол-көлік оқиғасына себепші болған Lexus жүргізушісі оқиға орнынан қашып кеткен.
Оқиға салдарынан Hyundai және Renault көліктерінің жүргізушілері мен жолаушылары жарақат алды. Lexus көлігі іздеу шаралары барысында ұсталды, қазір полиция оқиғаға қатысты тексеру жұмыстарын жүргізіп жатыр.
