Астанада видео түсіріп тұрып «ашуланған» жігіт 5 тәулікке қамалды
Әлеуметтік желілерге жүргізілген мониторинг барысында құқыққа қайшы бейнежазба анықталды.
Айым Серікбайқызы
4 Тамыз 2026, 20:56
Астанада видео түсіріп тұрып «ашуланған» жігіт 5 тәулікке қамауға алынды, деп хабарлайды BAQ.KZ.
Instagram әлеуметтік желісінде ер адам қоғамдық орында бейнежазба түсіру кезінде балағат сөздер айтып, қоғамдық тәртіпті бұзғаны белгілі болды. Кейін ол аталған бейнежазбаны өзінің Instagram парақшасында жариялап, құқыққа қайшы әрекетін көпшілікке қолжетімді еткен.
Полиция қызметкерлері оның жеке басын жедел анықтады.
Құқық бұзушы 26 жастағы Балташ Шыңғысхан болып шықты. Ол әкімшілік жауаптылыққа тартылып, 5 тәулікке қамауға алынды, - деп хабарлады Астана қаласының ПД баспасөз қызметі.
Айта кетейік, полиция әлеуметтік желілерге тұрақты мониторинг жүргізеді. Сол себепті құқық қорғаушылар азаматтарды қоғамдық тәртіпті сақтауға және әлеуметтік желілерде әдеп нормаларын ұстануға шақырады.
Еске салайық, бұған дейін Ақтөбеде 2 миллион теңге бопсалады деген күдікпен үш адам ұсталды.
Посмотреть эту публикацию в Instagram
Ең оқылған:
- Аптап ыстық басылады: Қазақстанда ауа райы күрт өзгереді
- Жаңбыр, найзағай: 17 өңірде дауылды ескерту жарияланды
- «Іле-Балқашқа» Амур жолбарысы жіберілді
- Қазақстандықтар зейнетақысын енді өздері басқара алады: Қыркүйекте өзгеріс болады
- Үш жасар бала куә болған қасірет: Атырауда әйелді өлтірді деген күдікті ер адам ұсталды