Елордада терроризмді насихаттаған Тәжікстан азаматына қатысты айыптау үкімі күшіне енді, деп хабарлайды BAQ.KZ.
Бүл туралы Терроризмге қарсы күрес орталығының баспасөз қызметі мәлімдеді.
Сотталған «М» астаналықтарға «қарулы жиһадқа» қатысу идеясын насихаттағаны белгілі болды. Одан бөлек, ол лаңкестерге ақша аударып отырған.
Астаналық соттың үкімімен шетелдік азамат ҚР ҚК 256 және 258-баптары «Терроризмді насихаттау», «Терроризм қызметін қаржыландыру» бойынша кінәлі деп танылып, 5 жыл 6 ай мерзімге бас бостандығынан айырылды, - делінген хабарламада.
