Елордалық өрт сөндіруші өрттен 15 жасар қызды аман алып шықты, деп хабарлайды BAQ.KZ ТЖМ баспасөз қызметіне сілтеме жасап.
Бүгін Астана қаласының Сығанақ көшесінде орналасқан көпқабатты тұрғын үйдің оныншы қабатында жиһаздар мен тұрмыстық заттар өртенді.
3-МӨСБ аға инженері Серик Рахимжанов 2009 жылы туған қызды өрттен құтқарды. Құтқарушылардың жедел әрекеттерінің арқасында өрт толығымен сөндірілді. Зардап шеккендер жоқ. Өрт кезінде 101 немесе 112 нөміріне хабарласыңыз!, - делінген хабарламада.
