Елорданың «EXPO» ХКО-да «ExpoGroup» компаниясының ұйымдастыруымен «KazAgro/KazFarm-2023» ауыл шаруашылығының 14-ші Халықаралық мамандандырылған көрмелері басталды, деп хабарлайды BAQ.KZ елорда әкімдігінің ресми сайтына сілтеме жасап.
Бұл үлкен оқиға әлемнің 20-дан астам елінен жетекші ауыл шаруашылығы мамандарының басын қосты
Салтанатты ашылу рәсіміне ҚР Ауыл шаруашылығы министрі Айдарбек Сапаров, Астана әкімнің орынбасары Ерлан Бекмұрзаев, Чехияның Төтенше және Өкілетті Елшісі Павол Шепеляк, Германияның неміс ауыл шаруашылығы қауымдастығының басшысы, вице-президенті Рене Дебельт, ҚР Германия елшісінің тұрақты орынбасары Клаус Зилликенс, сондай-ақ «Ростсельмаш» компаниясы бас директорының орынбасары Алексей Швейцов қатысты.
KazAgro-2023-те өсімдік шаруашылығы өнімдерінің кең ауқымы ұсынылған. Мұнда ауылшаруашылық өнімдерін өндіруге, сақтауға, өңдеуге және логистикаға қатысты барлық нәрсе бар. Көрмеде мал шаруашылығы саласының түрлі дайын өнімдері де жұрт назарына қойылды.
Ұйымдастырушылар аграрлық ғылымдағы жаңа жетістіктермен және инновациялық технологиялармен танысуға бірегей мүмкіндік береді. Қазақстанның жетекші әлемдік агро-концерндері мен агроөнеркәсіптік кешені ауыл шаруашылығы техникасы мен жабдықтарының бірқатар жаңа түрлерін ұсынады.
Сондай-ақ, көрме аясында халықаралық конференция, дөңгелек үстелдер мен кездесулер өтеді. Сарапшылар ауыл шаруашылығын дамытудың өзекті мәселелері мен перспективаларын сала сарапшыларымен талқылай алады.
KazAgro-2023 келушілері ауыл шаруашылығы техникасындағы соңғы үрдістермен танысып қана қоймай, Қазақстанда өндірілетін жаңа өнімдер туралы біле алады. Өсімдіктерді тиімді қорғау және жақсы өнім алу үшін қажетті сапалы тұқымдар, минералды тыңайтқыштар және басқа да инновациялық өнімдер ұсынылады.
Естеріңізге сала кетейік, көрмелерде ауыл шаруашылығы техникасы мен жабдықтарының, тыңайтқыштардың, өсімдіктерді қорғау құралдарының, құс және мал шаруашылығына арналған технологиялардың, мал азығының, ветеринариялық препараттардың кең пулы ұсынылған. Сондай-ақ, көрмелерде саланың жетекші мамандарының семинарлары мен презентацияларының кең бағдарламасы бар. Жыл сайын көрмелерге 20 000-нан астам адам келеді.
Көрмелерге кіру тегін, 19-21 қазан аралығында үш күн жұмыс істейді.
