Астана қаласының әкімі Жеңіс Қасымбек елорда аумағындағы барлық автотұрақ енді қаланың коммуналдық меншігінде екенін мәлімдеді, деп хабарлайды BAQ.KZ тілшісі.
Қала басшысының айтуынша, өткен аптада автотұрақ алаңдарын қала балансына өтеусіз беру жөніндегі тиісті келісімге қол қойылған.
Осылайша осы аптадан бастап елордадағы барлық тұрақ кеңістігі жеке тұлғалардың емес, тек коммуналдық қызметтердің басқаруына өтті, - деді қала басшысы брифингте.
