Астанада арнайы тактикалық оқу-жаттығу өтеді: қозғалысқа уақытша шектеу енгізіледі
Оқу-жаттығу кезінде Индустриялық парк аумағында қозғалысқа уақытша шектеу қойылады.
Бүгiн 2026, 18:41
21 маусым күні Астанада күзетілетін тұлғалардың қауіпсіздігін қамтамасыз етуге бағытталған ведомствоаралық кешенді арнайы-тактикалық оқу-жаттығу өтеді.
Бұл туралы Қазақстан Республикасының Мемлекеттік күзет қызметінің баспасөз қызметі мәлімдеді.
Іс-шара сағат 08:00-ден 15:00-ге дейін елордадағы №1 индустриялық парк аумағында ұйымдастырылады.
Оқу-жаттығу барысында Индустриялық парк аумағында автокөліктер мен жаяу жүргіншілер қозғалысына уақытша шектеу енгізіледі.
Осыған байланысты қала тұрғындары мен қонақтарынан өткізіліп жатқан іс-шараға түсіністікпен қарау, құқық қорғау органдары қызметкерлерінің заңды талаптарын орындау, тек ресми ақпарат көздеріне сену және жалған ақпарат таратпау сұралады, - делінген хабарламада.
Жаттығудың мақсаты – күзетілетін тұлғалардың қауіпсіздігін қамтамасыз ету жөніндегі күштер мен құралдардың өзара іс-қимылын пысықтау.
Ең оқылған:
- Емтихан тапсыра алмады: Қарағандыда бойжеткен автоХҚКО қоршауын соқты
- "Қатаң жаза мен өтемақы талап етеміз": Алматыдағы апат бойынша жаңа жәбірленушінің адвокаты
- АҚШ–Иран меморандумы: Соғыс бітті ме, әлде уақытша үзіліс пе?
- “Қоғам алдында жаман көрініп қалдық” – Жәбірленуші тарап күдікті Пакты неге кешіргенін тағы түсіндірді
- Депутаттар жұмысын тоқтатады: 1 шілдеден бастап Қазақстанды не күтіп тұр?